Quitar zapatos e calcetíns é un dos mellores pasatempos que coñecemos, por iso en canto as mestras quitaron os seus zapatos soubemos que esa semana ía ser diferente e divertida.
Todos os días deixamos os nosos pés ao aire para experimentar sensacións e texturas diferentes.
Dende facer cóxegas con pinceis, ata pasar un camiño sensorial ou pisar pintura para facer unha obra de arte, entre outras actividades, fomos coñecendo un pouquiño máis desta parte do noso corpo que nos axuda a movernos con soltura por este mundo.
