Esta semana tivemos unha actividade moi especial na aula: acompañamos á nosa eiruga lambona nun gran festín! 🐛🍎🍐🍓
Sabemos que a eiruga necesita comer moito para medrar forte, así que puxémonos mans á obra: con moito tino fomos recollendo os alimentos e meténdollos na boca, traballando ao mesmo tempo o vocabulario de froitas e comida.
A eiruga comeu mazá, peras, fresas, laranxas, sandía… ¡e pensamos que quedou ben farta esta vez! Ademais de pasalo en grande, seguimos aprendendo e enriquecendo o noso vocabulario dun xeito divertido e participativo.
Seguiremos atentos para ver se, con tanta comida rica, a nosa eiruga se transforma axiña en bolboreta! 🦋
