Sempre que falamos do inverno pensamos no frío e na neve, pero como poucas veces temos a sorte de vela en directo, decidimos facer a nosa propia neve no cole! ⛄
Experimentamos con bicarbonato (ou sal) e un chisco de auga fría ata conseguir unha neve moi convincente. O segredo está en engadir a auga aos poucos e ir comprobando a textura ata que estea perfecta para xogar.
Algúns peques ao principio son un pouco tímidos para tocar esta neve caseira, pero a aqueles que lles gusta… pásano en grande! 💙 Unha actividade manipulativa e sensorial perfecta para explorar e divertirse!
