Que ben o pasamos co cubo das cores! Inspirada no conto «Colores», do artista e autor Hervé Tullet, esta instalación converteuse nun espazo de xogo, creatividade e sorpresa.
A actividade estaba chea de propostas divertidas, con materiais de moitas cores e formas que espertaron a nosa curiosidade e ganas de experimentar. Durante un bo rato, estivemos totalmente mergullados nun mundo de cor onde todo era posible.
Como soe acontecer nestas propostas tan abertas, nada quedou no seu sitio… ¡e iso foi parte da maxia! A nosa imaxinación levou o protagonismo, creando novos xogos e usos para o material presentado. Foi unha xornada chea de aprendizaxes, movemento e alegría.
Sen dúbida, unha experiencia que queremos repetir!
